បុរី វិមានសំណាង នៅតែបន្តដំណើរការយ៉ាងសកម្ម និងមានភាពមមាញឹកជារៀងរាល់ថ្ងៃ ដើម្បីធានាបាននូវគុណភាព និងឈានដល់ការបញ្ចប់តាមផែនការកំណត់ប្រគល់ជូនអតិថិជន

បុរី វិមានសំណាង ដែលជាបុរីលំដាប់អភិជន របស់លោកឧកញ៉ាបណ្ឌិត គីម ហ៊ាង បច្ចុប្បន្ននេះបាននិងកំពុងសាងសង់ជាបន្តបន្ទាប់ និងប្រឹងប្រែងបញ្ចប់គម្រោង ដើម្បីប្រគល់ជូននូវវីឡាប្រណិត ទៅកាន់អតិថិជន រួមជាមួយនឹងការធានាតាមស្តង់ដារបច្ចេកទេសត្រឹមត្រូវ។ ដំណើរការសាងសង់ក្នុងគម្រោងបន្តយ៉ាងសកម្មពីមួយថ្ងៃទៅមួយថ្ងៃ ដែលវិវត្តន៍ទៅមុខជានិច្ច ដោយផ្តោតទៅលើភាពរឹងមាំនៃសំណង់ជាចំបង ជាមួយនឹងរចនាបទយ៉ាងល្អប្រណិត។សំណង់សាងសង់រឹងមាំស្របតាមស្ដង់ដារ ផ្ដល់ទំនុកចិត្តក្នុងការរស់នៅ ជាមួយនឹងម៉ូតវីឡាដ៏ប្រណិត និងទាន់សម័យ។

យើងខ្ញុំមានសេចក្តីរំភើបរីករាយក្នុងការចែករំលែកជាមួយអតិថិជន នូវបច្ចុប្បន្នភាពសំណង់ ដោយមានការត្រួតពិនិត្យយ៉ាងម៉ត់ចត់ ពីក្រុមការងារវិស្វករ នៃការសាងសង់វីឡាយ៉ាងសកម្មជាប្រចាំថ្ងៃពីក្រុមការងារជំនាញរបស់ បុរី វិមានសំណាង។ បុរី វិមានសំណាង ជាគម្រោងអភិវឌ្ឍលំនៅឋានបែបអភិជន ដោយមានការសាងសង់ជាប្រភេទផ្ទះអាជីវកម្ម រួមទាំងប្រភេទផ្ទះវីឡាប្រណិតៗចំនួន ៤ប្រភេទទៀតដូចជា វីឡាព្រីន វីឡាឃ្វីន វីឡាឃីង និងវីឡារ៉ូយាល់។

បុរី វិមានសំណាង របស់លោកឧកញ៉ាបណ្ឌិត គីម ហ៊ាង និងលោកជំទាវឧកញ៉ា គង់ សំណាង ស្ថិតនៅខាងជើងក្រសួងដែនដី ២៥០០ម៉ែត្រ សាងសង់លើដី ២៥ហិកតា ដែលចំណាយថ្លៃសាងសង់ច្រើនជាង និងប្រណិតជាងការសាងសង់វីឡាបែបទំនើបនានា។ បុរី មានសួនច្បារ កន្លែងហាត់ប្រាណ កន្លែងលេងកីឡា ផ្លូវធំ ដើមឈើច្រើន និងព្រែកធម្មជាតិស្មើជិត ៤០% នៃផ្ទៃដីសរុប ដែលសាកសមបំផុត សម្រាប់គ្រួសារអភិជនកម្ពុជាស្នាក់នៅប្រចាំថ្ងៃ។