សាងសុភមង្គលនៅក្នុងក្រុមគ្រួសាររបស់លោកអ្នកជាមួយនឹងបុរី វិមានសំណាង!

បុរី វិមានសំណាង ស្ថិតនៅខាងជើងក្រសួងដែនដី ២៥០០ម៉ែត្រ សាងសង់លើដី ២៥ហិកតា ដែលចំណាយថ្លៃសាងសង់ច្រើនជាង និងប្រណិតជាងការសាងសង់វីឡាបែបទំនើបនានា។ បុរី មានសួនច្បារ កន្លែងហាត់ប្រាណ កន្លែងលេងកីឡា ផ្លូវធំ ដើមឈើច្រើន និងព្រែកធម្មជាតិស្មើជិត ៤០% នៃផ្ទៃដីសរុប ដែលស័ក្តិសមបំផុត សម្រាប់គ្រួសារអភិជនកម្ពុជាស្នាក់នៅប្រចាំថ្ងៃ។

បុរី វិមានសំណាង សុទ្ធសឹងជាវីឡាទោលដាច់ពីគ្នាបង្ហាញពីការរស់នៅបែបឯកជនភាព និងរស់នៅជាមួយនិងធម្មជាតិយ៉ាងសំបូរបែប ដូចជា សួនច្បារចម្រុះពណ៍ ជាពិសេសមានព្រែកធម្មជាតិព័ទ្ធជុំវិញ មានខ្យល់អាកាសល្អបរិសុទ្ធ ផ្ដល់នូវការរស់នៅដែលប្រកបដោយផាសុកភាព។ មិនត្រឹមតែប៉ុណ្ណោះ បុរី វិមានសំណាង បានផ្តោតសំខាន់ទៅលើភាពងាយស្រួលក្នុងការរស់នៅរជាចំបង កាន់តែមានភាពងាយស្រួល ក្នុងការរស់នៅសម័យទំនើបនេះ ជាមួយនឹងការរចនាឡើងដោយភ្ជាប់មកនឹងបន្ទប់ហាត់ប្រាណបែបឯកជន ហើយម្ចាស់ផ្ទះអាចចំណាយ ពេលវេលាផ្ទាល់ខ្លួនដោយគ្មានការរំខានអ្វីឡើយ

គួរជម្រាបជូនផងដែរថា សម្រាប់វីឡាប្រណិតក្នុង បុរី វិមានសំណាង មានចំនួនបួនប្រភេទ ដូចជា៖ វីឡាឃីង បែរទៅមាត់ទឹក មានបន្ទប់គេង៨ បន្ទប់ទឹក៨ បន្ទប់ទទួលភ្ញៀវ២ និងចំណតឡាន៤។ វីឡាឃ្វីន មានបន្ទប់គេង៦ បន្ទប់ទឹក៧ បន្ទប់ទទួលភ្ញៀវ២ និងចំណតឡាន២។ វីឡាព្រីន មានបន្ទប់គេង៥ បន្ទប់ទឹក៦ បន្ទប់ទទួលភ្ញៀវ១ និងចំណតឡាន២ និងវីឡាចុងក្រោយជាវីឡា រ៉ូយ៉ាល់ ដែលមានទំហំធំជាងគេ មានបន្ទប់គេង១០ បន្ទប់ទឹក១២ បែរមុខទៅមាត់ព្រែកធម្មជាតិ ជាមួយនឹងសម្រស់ធម្មជាតិដ៏ស្រស់ស្រាយនៅភាគខាងជើងរាជធានីភ្នំពេញ។