ខេត្តព្រះសីហនុ, ថ្ងៃទី២៩ ខែសីហា ឆ្នាំ២០២៦ — ក្រុមហ៊ុន បុរី វិមានសំណាង ម.ក បានរៀបចំកម្មវិធីរ៉ូដសូ (Roadshow) ស្តីពីការបោះផ្សាយលក់មូលបត្រកម្មសិទ្ធិជាសាធារណៈលើកដំបូង (IPO) របស់ខ្លួន នាថ្ងៃទី២៩ ខែសីហា ឆ្នាំ២០២៦ នេះ នៅសណ្ឋាគារសុខា ខេត្តព្រះសីហនុ ដោយទទួលបានការទាក់ទាញ និងការគាំទ្រយ៉ាងភ្លូកទឹកភ្លូកដីពីសំណាក់សាធារណជន និងវិនិយោគិន។
កម្មវិធីនេះបានប្រព្រឹត្តទៅក្រោមអធិបតីភាពដ៏ខ្ពង់ខ្ពស់របស់ លោកឧកញ៉ាបណ្ឌិត គីម ហ៊ាង ប្រធានក្រុមប្រឹក្សាភិបាលប្រតិបត្តិនៃ បុរី វិមានសំណាង ម.ក និង លោក សៅ ហុក អនុប្រធានសភាពាណិជ្ជកម្មខេត្តព្រះសីហនុ ព្រមទាំងមានការចូលរួមពីពាណិជ្ជករ និងវិនិយោគិនយ៉ាងច្រើនកុះករ។
ព្រឹត្តិការណ៍ដ៏ប្លែកខុសពីរាល់ដង និងបរិយាកាសការវិនិយោគយ៉ាងពុះកញ្ជ្រោល៖
-ការទិញ និងចុះឈ្មោះយ៉ាងគំហុក៖ ខុសប្លែកពីកម្មវិធីរ៉ូដសូទូទៅ កម្មវិធីលើកនេះបានបង្កើតបរិយាកាសវិនិយោគយ៉ាងក្តៅគគុក ដោយមានអ្នកចូលរួមយ៉ាងច្រើនសន្ធឹកសន្ធាប់បានសម្រុកចុះឈ្មោះ និងបញ្ជាទិញមូលបត្រកម្មសិទ្ធិ (IPO) របស់ក្រុមហ៊ុនភ្លាមៗនៅក្នុងកម្មវិធី ។
-សញ្ញាណវិជ្ជមានសម្រាប់ទីផ្សារអចលនទ្រព្យ និងមូលបត្រ៖ ការចូលរួមទិញយ៉ាងច្រើនលើសលប់នេះ បានស្តែងឱ្យឃើញយ៉ាងច្បាស់ពីទំនុកចិត្តយ៉ាងមុតមាំរបស់វិនិយោគិនចំពោះភាពរឹងមាំ និងតម្លាភាពរបស់ បុរី វិមានសំណាង ម.ក ក៏ដូចជាចក្ខុវិស័យវែងឆ្ងាយដឹកនាំដោយ លោកឧកញ៉ាបណ្ឌិត គីម ហ៊ាង។
-ការវាយតម្លៃខ្ពស់ពីសភាពាណិជ្ជកម្ម៖ លោក សៅ ហុក បានសម្តែងនូវការភ្ញាក់ផ្អើល និងកោតសរសើរចំពោះកម្លាំងគាំទ្រយ៉ាងសន្ធឹកសន្ធាប់នេះ ដោយលោកបានបញ្ជាក់ថា នេះគឺជាព្រឹត្តិការណ៍ប្រវត្តិសាស្ត្រមួយសម្រាប់ខេត្តព្រះសីហនុ ដែលប្រជាជន និងពាណិជ្ជករក្នុងតំបន់បានភ្ញាក់រលឹក និងសម្តែងការចាប់អារម្មណ៍យ៉ាងខ្លាំងលើការវិនិយោគក្នុងទីផ្សារមូលបត្រ។
ប្រធានក្រុមប្រឹក្សាភិបាលប្រតិបត្តិ លោកឧកញ៉ាបណ្ឌិត គីម ហ៊ាង បានថ្លែងអំណរគុណយ៉ាងជ្រាលជ្រៅចំពោះវិនិយោគិនទាំងអស់ដែលបានផ្តល់ទំនុកចិត្ត និងចូលរួមទិញមូលបត្រកម្មសិទ្ធិយ៉ាងច្រើនសន្ធឹកសន្ធាប់នេះ។ ក្រុមហ៊ុនសូមប្តេជ្ញាចិត្តថានឹងបន្តខិតខំប្រឹងប្រែងដើម្បីបង្កើតផ្លែផ្កា និងអត្ថប្រយោជន៍អតិបរមាជូនដល់ភាគទុនិកទាំងអស់។
**សម្រាប់ព័ត៌មានបន្ថែម សូមទំនាក់ទំនង៖
