ទំនុកចិត្តខ្ពស់ពីវិនិយោគិន! បុរី វិមានសំណាង ទទួលបានការគាំទ្រយ៉ាងច្រើនសន្ធឹកសន្ធាប់លើការទិញភាគហ៊ុន IPO

កាលពីថ្ងៃសុក្រ ១១ កញ្ញា ២០២៦ មានអ្នកវិនិយោគទុនសរុប ២២៨នាក់ ក្នុងនោះមានអ្នកវិនិយោគទុនថ្មី ១៣០នាក់ និងអ្នកវិនិយោគទុនចាស់ ៩៨នាក់ បានចូលទិញ IPO របស់ក្រុមហ៊ុន បុរី វិមានសំណាង ចំនួនជាង ១ ២៣៤ ០០០ភាគហ៊ុន!

ការចូលរួមយ៉ាងច្រើនកុះករពីសំណាក់អ្នកវិនិយោគទាំងចាស់ និងថ្មីនាឱកាសនេះ បានជំរុញឱ្យចំនួនភាគហ៊ុន IPO ដែលត្រូវបញ្ជាទិញកើនឡើងរហូតដល់ជាង ១ ២៣៤ ០០០ ភាគហ៊ុន! នេះគឺជាសញ្ញាណដ៏វិជ្ជមានមួយ ដែលឆ្លុះបញ្ចាំងយ៉ាងច្បាស់ពីសក្តានុពល ភាពរីកចម្រើន និងទំនុកចិត្តយ៉ាងរឹងមាំ ដែលសាធារណជន និងវិនិយោគិនមានចំពោះគម្រោងអភិវឌ្ឍន៍ និងការដឹកនាំដ៏មានចក្ខុវិស័យរបស់ លោកឧកញ្ញ៉ា បណ្ឌិត គីម ហ៊ាង ក៏ដូចជាក្រុមការងារនៃ បុរី វិមានសំណាង ទាំងមូល។

ជោគជ័យនៃការបោះផ្សាយ និងលក់ភាគហ៊ុន IPO នាពេលនេះ មិនត្រឹមតែជាជំហានដ៏សំខាន់សម្រាប់ក្រុមហ៊ុន បុរី វិមានសំណាង ក្នុងការបន្តពង្រីកវិសាលភាពអាជីវកម្មប៉ុណ្ណោះទេ ប៉ុន្តែថែមទាំងចូលរួមចំណែកយ៉ាងសកម្មក្នុងការលើកកម្ពស់ និងពង្រឹងវិស័យផ្សារភាគហ៊ុននៅកម្ពុជាឱ្យកាន់តែមានភាពរស់រវើក។

បណ្ឌិត គីម ហ៊ាង